top of page
runde solbriller

​​

Tulleq Consulting pillugu

Siunissami anguniagassatut takorluugaq,
pingaarnertut ingerlatassat  aammalu siunertaq

runde solbriller

Siunertaq & naammasserusutaq

Siunnersuisarfiup Tulleq Consultingip atuuffimmigut siunertarai:

  • ilisimasanik ingerlatitseqqiisinnaaneq

  • paasisimasanik pilersitsisinnaaneq

  • tapertaalluni inunnik nikeriartitsisinnaaneq

  • Kalaallit Nunaanni suliffeqarfinnik mikinerumaanik annerumaanillu ikiuisinnaaneq

kiffartuussineq pillugu paasiuminartumik kalaallisut aammalu qallunaatut ingerlatsisinnaaneq

​​

​

Pingaarnertut ingerlatassat / Mission:

Tulleq Consulting namminersortutut suliaqartuuvoq, suliffimmi atukkatigut ineriartortitsinermik, inuttut ataasiakkaatut, aqutsinikkut suliffeqarfiullu iluani siunnersuisuulluni.  Kalaallit Nunaanni peqqinnissaq atugarissaarnissarlu siuarsarniarlugit aammalu naleqarluartumik ilinniagaqarnissaq anguniarlugu, suleqatigiinneq aqqutigalugu aammalu inuit killiffimminni assigiinngissutaat aallaavigalugit, nukittuffinnik piginnaasaannillu atorluaalluni ineriartortitseqataaneq suliffeqarfiup siunnersuiffigisarpai.

​

Kiffartuussissutit ilagaat

  • Atuartitsineq

  • Kursusertitsineq

  • Oqalugiarneq

  • Workshop

  • Coaching 

  • Stress Coaching

  • Teamcoaching 

  • Teambuilding - suleqatigiilersitsiniaaneq

  • Avitseqatigiinneq

  • Supervision

​

Beige papir
TC pyramide.png
Beige papir

Vision
Siunissami anganiagassatut takorluugaq

Tulleq Consulting siunissami piujuaannartitsinissaq pillugu FN-ip nunarsuarmi anguniagaanik ikiuunnissaq anguniagarivaa. Piujuaannartitsinissami peqqinnissaq atugarissaarnissarlu, ilinniagaqarneq pitsaasoq suleqatigiilluarsinnaanerlu ineriartortitseqataaffigerusuppai.

 

FN-ip nunarsuarmi anguniagaani:

  • Nr. 3 – Peqqinnissaq atugarissaarnerlu. Tassuunatigut Kalaallit Nunaanni suliffeqarfinnik ineriartortiseqataalluarnissaq piginnaasanillu atuarluaaneq anguniarlugu.

  • Nr. 4 – Ilinniagaqarneq pitsaasoq.

Tassuunatigut ilinniagaqarsinnaanerup pitsaasuunissaa kikkullu tamarmik ilinniagaqarsinnaannerannut periarfissanik pilersitsinissaq anguniarlugu.

 

Kalaallit Nunaanni suliffeqarfinni sulisuusut tassaapput isumalluutit pingaarnersaat.

Sulisut pitsaasumik aaqqissuulluakkamillu sulinerisigut aatsaat suliffeqarfiit anguniagaat malillugit pitsaassutsimik anguniagaqarnerat pilersinneqartarpoq. Tamannalu anguniarneqarsinnaavoq soorlu sulisunik ineriartortitsinitsigut ilinniartitsinitsigullu piginnaanngorsaanikkut.

Nr. 3 aamma nr. 4 atorlugit inuiaqatigiinni piujuaannartitsinermik piorsaanermik annertusaaneq peqataaffigineqarpoq.

 

Naleqartitat

Tulleq Consultingip naleqartitai pingasut ukuupput:

Uppernassuseq

Sunniuteqarluarneq

Pissarsiaqarnissamut pingaartitsineq

 

Naleqartitagut aallaavigalugit suleqatigiikkaangatta angusassarput angusinnaasarparput. Naleqartitagut sumik siunertaqarnersut, suna tunngavigisaq, sunalu isumalluarfiginerlugu iliuuseqartarnissaq tassani pineqarpoq.

 

Sungiusartuarnikkut naleqartitat pitsaasumik isumaqarluartumillu siuttuullutillu pingaarnersiuinermi sakkussaapput.

​

Tulleq Consultingip allatulaaq isumassarsiorsinnaaneq nutaaliornerlu soqutigisarivai.

Suleriuseqarpoq makkua pillugit

  • nukittuffinnik ineriartortitsisinnaaneq pikkoriffinnillu atorluaasinnaaneq

  • kulturi, siuariartorneq, attaveqaqatigiinneq, kajumissuseqalersitsineq kiisalu suleqatigiinnissamut tunngasut.

​

​

bottom of page