top of page

Qanoq?

Illit inuuninni, suliffigisanni imaluunniit aqutsisutut inissisimaninni nukittuffeqalernerunissat anguniarlugu, sinaakkutit toqqissisimanartut atorlugit kissaatitit pisariaqartitatillu aallaavigalugit oqaloqatigiinneq ingerlanneqassaaq.

​

Immaqa aaliangersimasunik unamminartitaqarputit qanorli isillutit pakkersimaarnissaanik ingerlariaqqinnissannik pisariaqartitsivutit, imaluunniit inuttut, sulisutut aqutsisutulluunniit imminut siulersorluarlutit ineriartuuteqarusupputit.

​

Coaching peqqissartinnissamik tunngaveqanngilaq, maannakkut pisoq siunissamilu angorusutaq aallaavigalugu ineriartuutaalluarsinnaasunik oqaloqatiginninneq ingerlanneqassaaq.

​

Angorusutavit ajornartorsiutivillu qaqinneranni ikiorlutit, angorusutat/tit ersarinnerulersissapput, qanorlu pitsaasumik ingerlariaqqissinnaanerlutit oqaloqatigiissutigissavarput.

​

Coachingimi pingaaruteqartunik apeqqutinik apersorneqarnissat, nammineerlutit akissutissai ujartornerini ajornartorsiutit angorusutalluunniit iliuuseqarfigileriartortussaassavatit.

​

Coaching periusiuvoq illit nammineerlutit akisussaaffimmik tigusinikkut, pitsaasunik toqqaallutit anguniakkannik iliuuseqalersitsisartoq angusaqartitsisartorlu.

 

    Hvad siger folk ift. arbejdsrelateret coaching 

    Imminut pilluni imaluunniit

    Suliffigisaq aallaavigalugu oqaloqatigeereernermi oqaatigisat

    Life coaching & Business coaching assigiinngissutaat suuppat?

    Life coaching - Imminut pilluni coachertinneq

    Imminut pilluni coachertinneq pisarpoq nukittuffitit ukkataralugit ikorfartorneqarnikkut. Tassani sunaqqissaaq anguniarnerlugu takulerumaarpat taavalu qulequttamik taasillutit, kingornalu suna pilersinniarnerlugu qanorlu iliorusunnersutit ersarinnerulerumaarput.

    • Inuttut ineriartornermut tunngassuteqarsinnaavoq qulequttat soorlu makkua pillugit; peqqinneq, suliffik, aningaasaqarneq, ilaquttat ikinngutillu, illit angerlarsimaffiit, aappaqarnermut tunngasut il.il.

    • Misigissutsinut tunngasinnaavoq ilinnut eqqortuusoq ujartorlugu, naleqartutut misigineq, imminut naleqartinnerulernissaq tatiginerulernissarluunniit, imminut asanissaq, ileqqunik allannguineq, akuerinninneq isumakkeerinninnerlu, innarligassaannginneq il.il.

    ​​

    Business coaching - Suliffigisaq aallaavigalugu coachertinneq

    Suliffik aallaavigalugu sulisutut imaluunniit aqutsisutut anguniagaqarluni oqaloqatigiinneq pisarpoq.

    Illit aqqusaakkanni inissisimaffinnik pisariaqartitannilluunniit oqaloqatigiinnerit aallaavigineqassapput. Oqaloqatigiinnermi atortut assigiinngitsut sakkugalugit, siunertarisat patsisigisallu, piginnaanitit atorlugit, qanorlu anguniakkannut tassunga pinissannut oqaloqatigiissutigissavagut.

    Immaqa makkua ikiorneqarnissannut pisariaqartippatit

    • aaliangersimasumik quleqqutamik anguniagaqarneq

    • unamminartitaqarluni ikiorneqarusunneq

    • naleqartitanik aaliangiussineq

    • tunngavigisassanik suliaqarneq

    • suliassanik pingaarnersiuinermik ilinniarneq 

    ​

    Sumi, ingerlannera sivisussusaalu

    Naapilluni, internet aqqutigalugu oqarasuaatikkulluunniit coachertissinnaavutit, apeqqutaavoq illit suna iluarinerunerit sunalu periarfissaanersoq.

    Oqaloqatigiinneq nal. akunneranik 1 – 1 ½  sivisussuqarajuppoq.

    Coachertinnerup ingerlanerata imai sivisussusaalu assigiinneq ajorput. Apeqqutaalluni inummiit inummut suna ajornartorsiutigineqarnersoq, unamminartinneqarnersoq anguniarneqarnersorluunniit. Pingaarnerpaajuvoq ilinnut tulluarsakkamik ikorfartorneqarnissappit ingerlannissaata aaqqissuunnissaa.

    Coachertinnerit iluatsilluassappat innersuussutigaara ikinnerpaamik pingasoriarluni oqaloqatigiinnermik ingerlariuseqarnissaq.

    ​

    Naleqartitakka sulininni ataqatigiissitsipput

    Piviusorsiorneq

    Coachertinninni inuunererusutannik pissarsinissannik misigisimanissat pingaartippara,

    illit tunginniit uanniillu ammasumik piviusorsiortumillu suleqatigiissinnaassasugut.

    ​

    Sunniuteqarluarneq

    Ilinnut eqqortuusoq pingaarutilillu akisussaaffigalugu coachertinnerit sunniuteqarluassaaq.

     

    Pissarsinissamut tunniusimaneq

    Coachertinneq imminut paasinissamut ilinniarfiuvoq, ilaannili imminut paasinissamut ilinniarneq nuanniissinnaasarpoq. Neqeroorutigaara oqaloqatigiinnerup ingerlaarnerani imminut ilisimaarinerulernerit iluaralugu maluginissaa.

    ​

    OBS! Oqaloqatiginninnissamut klippekortinik aamma pisisinnaavutit, amerlasuunik pisinermi akikilliliisarpunga.

    ​

    ​

    ​

    Quote-In-The-Open-copy-copy-copy-copy-copy-34_edited_edited.jpg
    bottom of page