top of page
how.png

Coaching
qanoq & sooq?

Anguniakkat ersarissarnissaanut qanorlu nammineerlutit angorusutat iliuuseqarfigisinnaanerunissaanut pillugit coaching ilinnut ikorfartuutaalluarsinnaavoq.

Coaching imminut ilinniarnermik taaneqarsinnaavoq. Soorlu makkua apeqqutit ilinnut akiuminarnerulerlutik.

  1. Suliffigisanni suliffigisappilluunniit avataatigut nukkiorsimasimaguit sunik pisariaqartitsissavit?

  2. Sukkut nukittuffitit atorluartarpigit, qanorlu ilioruit imminut iluarusimaartissavit?

2022-07-13-12-47-42-522.jpg
Fødselsdagsgaver

 

Suna naatsorsuutigissaviuk?

Coaching sakkuuvoq ilinnut ineriartuutaalluarsinnaasoq. Inuttut atorfinnilu suliaqarnikkut tulluarpoq imminut takunnissinnaanerup annertusarneranut, qamanilu nukik pigeriikkat piginnaasatillu ineriartortilluarnissaannut, piumassuseq pigalugu iliuuseqarususseqalersitsisarpoq.

Coacherisutut periuseqarpunga attaveqariaaseqarlungalu, illit qisuariartaatsikkut iluaqutaasussanik eqqarsalersitsisumik. Assersuutigalugu atortarpakka apereriaatsit tusarnaariaatsillu imminut naalaarsinnaanermut utertitsiffiginnissinnaanermullu tunngasut, takorluuisitsineq, qamuuna avatangiisitigullu imminut qiviarnissannut tunngasut. Taamaasillutit anguniakkannut atatillugu coachertinninni imminut paasiartuaalissaatit. Coachertinneq allatut oqaatigalugu sammiveqanngitsumik oqaloqatiginninnerunngilaq. Coaching illit anguniakkannut toraakkannut tunngavoq piareersimaffigalugu ingerlaavartussaq.

 

Nammineerlutit qamani piginnaasassatit pigereerpatit

Upperaara inuk kinaluunniit nammineerluni ilumini nukiit piginnaasassani pigereerai.

Cocherisoqarneq ajorpoq inuk kukkunersiorumallugu, ajoqutissarsiorlugu inuttuulluunniit aaqqikkiartorniarlugu. Sunaluunniit pisariaqartitat qamani pigereerpat illiunerillu allanngortinniarneqartussaanngilaq. Imminut akisussaaffigeqqissaarputit.Taamaakkaluartoq coachertinninni periarfissaavoq maannamut iliuuserisinnaasannik allatulluunniit piginnaasavit atorluarsinnaanissaanit nassaariortulernissaat. Ilinniarsinnaavat namminersuutigalugu unamminartitannik kajumissuseqarlutit iliuuseqarsinnaanissat – imminut ikorfartorlutit. Taamaasillutit inuunererusutat pitsaasumik namminerpiaq sunneeqataaffigissavat. Kiniiserit oqariartaasaat malillugu naatsumik coaching imannak aamma oqaatigineqarsinnaavoq:

 "Inuk kaattoq aalisakkamik tunigukku, taava ullormut nerisassaqassaaq.

Inuk kaattoq aalisarnermik ilinniartikukku, inuunini tamaat nerisassaqarumaarpoq"

 

Illit nammineerlutit sassartariaqarputit

”Coacherisartoq” allatut atorfilittut illersukkatut atuuffiunngilaq, taamaammat inuit ilaasa coachertinnissaq nalornissutigisinnaasarpaat qularutigisinnaasarpaat.

Soorunalimi coacherisartut inunnik ikorfartuisutut piginnaasaat nikerarlutillu assigiinngissinnaasarput. Atuisutut coachertilluni, inuttut piginnaasatigullu ineriartuutaalluartunik anguniagaqarnermi nikeriartutut naammagisimaarinnittutullu misigisimassagaanni, naammanngilaq coacherisoq kisimi pikkorinnissaa, pingaaruteqarmat illit tunginniit aamma iliuuseqarnissat, soorlu imminut piumaffiginninnermik takutitsinissat.

Coachertikkuminartuuit"?

Coachertinneq nammineq kajuminnermik tunngaveqarpoq. Taamaammat coachertinnerit pissarsiaqaatigissagukku ikiortikkumaninnut ammasuunissannik piumassuseqartariaqassaatit. Imminut qiviarsinnaasaqariaqarnerit piareersimaffigissavat. Assersuutigalu coachitut tarrarsuut tigummissavara, avataaniit iluatungaaniillu illit imminut takuisinnaaniassagavit (coacheritut isornartorsiussallutit soqutigisarinngilara). Sapiisertariaqarputit imminut alapernaaffiginissannut, naak imminut takusatit ilai taajuminaassinnaasaraluartut. Oqaloqatigiinnerit ineriartuutaalluassappata, imaanngilaq coacherisoq kisimi pikkorinnissaa naatsorsuutaassasoq, illit aamma nammineq tamakkiisumik alapernaannissannut iliuuseqarnissannullu pimoorussisariaqasssaatit. Killiffiit aallaavigalugu akuersiteqqaarlutit unammillernartunik apeqquteqartarumaarpunga.

Siunnersortikkusuinnarpit?

Coacherisartup atuuffimmigut siunnersorti mentorerlu assiginngilai.

Siunnersortip atuuffimmigut ilisimasani aallaavigalugit, sunik ineriartuuteqarsinnaanertutit siunnersuutigisarpai qanorlu iliortariaqarninnik ersarissaasinnaasarluni. Mentorip aqutsisutut inissisimalluni piginnaasani atorlugit illit aqqutigilerusutannik kissaatinnilluunniit aqqutissiuullutit atuuffigisarpaa.

Mentorip aamma siunnersortip siunnersuutaannik innersuussutigisaannillu illit ilisimasassannik atorluagassannillu aallerfiupput.

Kaakkuit aalisakkamik tunissavaatsit – soorlu qulaani eqqaasanni kiniiserit oqariartaasaanni taagiga.

 

Pingaaruteqarpoq coacherisup atuuffiata paasilluarsimanissaa

Coacherisuppit qanoq ilioruit pitsaanerunersoq piumaffigisussaanngilaatit. Coachertinnermi illit oqaloqatigiinnermi qitiutinneqassaatit, illimmi imminut nalunngisaqareertuuvutit! Coachertinninni apersussavakkit illit nammineerlutit akissutissartai nassaarinissaanik ilitsersorlutit. Coacherisartorpassuit aqqusaarnikuuaat kiffartuussatik/coachertittup oqaloqatigiinnerup nalaani siunnersorneqarnissaminnik ujartuisinnaasartut pisariaqartitsisinnaasartulluunniit.

Tassani uanga siunnersuisutut inissisimanerlunga coacherisutullu atuukkunnaarnerlunga ersarissaatigisussaavara, nalilerlugulu ilumut akissutissamik pitsaasumik siunnersorsinnaassanerlutit. Tassani isumaqatigiissutigisinnaavarput qaqugukkut sorleq atussanersoq, coachertinneq siunnersuisutullu atuunneq assigiinngitsunik sunniuteqarsinnaasarmata.

Fødselsdagsgaver

Pingaartitakka sulininnut ataqatigiipput

do you 1.png

Uppernassusseq:

Coachertinninni inuunererusutannik pissarsiaqartutut misigisimanissat kissaatigivara, illit tunginniit uanniillu ammasumik uppernassusilimmik suleqatigiissinnaasariaqassaagut

do you .. 2.png

Sunniuteqarluartoq:  

Coachertinneq ilinnut eqqortuusoq pingaarutilillu ilinniassavat akissaaffigilernissaa

do you .. 3.png

Pissarsinissamut tunniusimasoq:

Coachertinneq imminut paasinissamut iluaqutaasarpoq, ilaannili imminut takorusunngisat iluaassinnaasarput. Neqeroo-rutigaara periarfississallutit oqaloqatigiinnerup ingerlanerani imminut ilinniarnerit pitsaasu-mik  ilorrisisimaarnermillu misiginissaa

bottom of page